Savollar

Kimga mos va qaysi holatlarda boshqa yoʻl kerak?

Toʻlashdan oldin ochiq yozamiz. Mos kelmasangiz, toʻgʻri Lab yoki keyingi qadamni koʻrsatamiz.

A nuqta: hozir

Bakalavrni tugatgansiz yoki tugatyapsiz. Qaysi dastur yoʻnalishingizga mos va CV, maqsad bayonnomasi, tavsiyalarni qanday tayyorlash hali noaniq.

B nuqta: Lab oxirida

Sizning ariza paketingiz: yuqoridagi 8 band. Hujjatlarni oʻzingiz yozasiz; Lab freymvork va baholash mezonini (rubrika) beradi.

Mos keladi

  • Bakalavr bitiruvchisi yoki 3–4-kurs talabasi (STEM, ingliz tili oʻrta yoki yuqori)
  • Ishlayotgan mutaxassis (1–5 yil tajriba) — Chevening kabi tajriba talab qiladigan dasturlar
  • Mahalliy magistratura talabasi yoki bitiruvchisi — tadqiqot magistraturasi, ilmiy rahbar
  • Ota-ona: kurs nima beradi va nima bermaydi

Boshqa Lab yoki qoʻshimcha tekshiruv kerak boʻlishi mumkin

  • Bakalavriatga kirmoqchi boʻlganlar → Bachelor Lab
  • Faqat GKS yoki DAAD/MEXT izlayotganlar → GKS Lab, DAAD Lab, MEXT Lab (tayyorlanmoqda)
  • Doktoranturaga topshirayotganlar → PhD Lab
  • Sohani almashtirmoqchi, lekin buni asoslaydigan tajriba yoki kurslari yoʻqlar — M0 avval shu boʻshliqni koʻrsatadi
  • "Qabul yoki stipendiya kafolati" izlayotganlar
  • Hujjatni kimdir oʻrniga yozib berishini kutayotganlar

Ochiq gap. Kompas Lab yangi platforma: bitiruvchilar natijasi hali yoʻq, shuning uchun sahifada natija raqami ham, sharh ham yoʻq. Natijalar faqat talabaning yozma roziligi bilan eʼlon qilinadi va ular bilan birga maqsadga yetmagan holatlar ulushi ham koʻrsatiladi. Hech bir Lab qabul, stipendiya yoki viza kafolatini bermaydi.

Koʻp soʻraladigan savollar

Oʻquv va tadqiqot magistraturasining farqi nima?

Oʻquv (taught) magistratura asosan kurslar va imtihonlardan, tadqiqot (research) magistraturasi asosan ilmiy loyihadan iborat. M0.2 da sizga qaysi biri mosligini qaror daraxti bilan aniqlaysiz.

Ilmiy loyiha taklifi har doim kerakmi?

Yoʻq. U tadqiqot magistraturasi, baʼzi stipendiyalar va professorga xatda kerak; oʻquv magistraturasida koʻpincha talab qilinmaydi (M6.1).

Ish tajribam bor. Bu foydali boʻladimi?

Ha, ayrim dasturlar ish tajribasini talab qiladi (masalan, Chevening). M3 da tajribani STAR usulida CVʼga yozasiz.

Maqsad bayonnomasini yozib berasizmi?

Yoʻq. M5 da 7 dars: tuzilma, dalil bilan yozish, tahrir va izohli oʻquv namunalari. Matn sizniki boʻladi.

Jonli mashq intervyusi bormi?

Asosiy obunaga kirmaydi. M8 da oʻzingizni yozib olish va 8 bandli mezon bilan baholash oʻrgatiladi.

Germaniya yoki Koreyaga topshirmoqchiman.

DAAD va GKS boʻyicha chuqur yoʻriqnoma alohida Lablarda; Master Labʼda qisqa tavsif va havola.

Nega “Lab” deyiladi?

Lab soʻzi laboratoriyadan olingan. Laboratoriyada bilim tajriba bilan olinadi: savol qoʻyiladi, sinab koʻriladi, natija oʻlchanadi. Kompas Lablari ham shunday ishlaydi: har dars Topshiriq bilan tugaydi, har modul bitta tayyor hujjat bilan yopiladi va hujjat baholash mezoni (rubrika) bilan tekshiriladi.

Manbalar: Chevening, GOV.UK Graduate visa, USN, Study in NL